លោក សេង ចាន់ធឿន

នាយកប្រតិបត្តិ

នាយកប្រតិបត្តិរបស់យើងគឺ លោក ធឿន ដែលជាអ្នកជំនាញផ្នែកទីផ្សារមូលបត្រ ដែលនាំមកនូវបទពិសោធន៍១០ជាងឆ្នាំ និងបរិញ្ញាបត្រជាន់ខ្ពស់ផ្នែកហិរញ្ញវត្ថុអន្តរជាតិពីប្រទេសបារាំង។ ជាមួយនឹងមូលដ្ឋានគ្រឹះដ៏រឹងមាំក្នុងការវាយតម្លៃសមធម៌ ការរៀបចំរចនាសម្ព័ន្ធសាជីវកម្មឡើងវិញ និងការវិភាគរបាយការណ៍ហិរញ្ញវត្ថុ គាត់បានជាប់ការប្រលងកម្រិតទី១ និងទី២ នៃកម្មវិធី Chartered Financial Analyst (CFA) ដោយជោគជ័យ។ ក្រោមការដឹកនាំដ៏ប៉ិនប្រសប់របស់លោក ធឿន ក្រុមហ៊ុន Royal Group Securities (RGS) សម្រេចបាននូវព្រឹត្តិការណ៍សំខាន់ៗនៅក្នុងទីផ្សារមូលធនកម្ពុជា។ លោកបានដឹកនាំប្រតិបត្តិការជាប្រវត្តិសាស្ត្រ រួមមានការមើលការខុសត្រូវលើការបោះផ្សាយមូលបត្រជាសាធារណៈលើកដំបូង (IPO) របស់សហគ្រាសរដ្ឋចំនួនបី (PAS, PWSA, និង PPAP)។ បន្ថែមពីនេះ គាត់បាននាំមុខក្នុងការផ្តួចផ្តើមគំនិតដ៏អស្ចារ្យមានដូចជា ការបោះផ្សាយមូលបត្របំណុលសាជីវកម្មជាលើកដំបូងដែលមិនធ្លាប់មាន មូលបត្របំណុលបៃតង និងសញ្ញាប័ណ្ណនិរន្តរភាព មូលបត្របំណុលដែលធានាដោយ CGIF និង GuarantCo ក៏ដូចជា SME IPO​ ទីមួយដំបូងគេនៅទីផ្សារកំណើននៃCSX ។ ជាមួយនឹងចំណេះដឹង ជំនាញ និងកំណត់ត្រាជោគជ័យដ៏ទូលំទូលាយរបស់លោក ធឿន បន្តជំរុញ RGS ឆ្ពោះទៅរកកម្រិតខ្ពស់ថ្មី ដោយធានាថា អតិថិជនរបស់យើងទទួលបានសេវាកម្មហិរញ្ញវត្ថុពិសេស និងដំណោះស្រាយត្រួសត្រាយផ្លូវនៅក្នុងទីផ្សារមូលបត្រកម្ពុជា។

លោក ទៀង ស៊ីវ៉ាន់សាក់

នាយកប្រតិបត្តិការ

ជាមួយនឹងបទពិសោធន៍រយៈពេល ៨ឆ្នាំ នៃការខិតខំប្រឹងប្រែងក្នុងការអភិវឌ្ឍន៍ទីផ្សារមូលធនរបស់កម្ពុជា លោក វ៉ាន់សាក់ បាននាំមកនូវជំនាញជាច្រើន​ក្នុងនាមជា COO របស់យើង។ គាត់ទទួលបានបរិញ្ញាបត្រសិល្បៈជាភាសាអង់គ្លេសពីវិទ្យាស្ថានភាសាបរទេស ហើយបានប្រឡងជាប់កម្រិត១​​ ដោយជោគជ័យនៃកម្មវិធី Chartered Financial Analyst (CFA) ដ៏ល្បីល្បាញ។ ពេញមួយអាជីពរបស់គាត់ លោក វ៉ាន់សាក់ សម្រេចបាននូវស្នាដៃគួរឱ្យកត់សម្គាល់ ដែលបានរួមចំណែកដល់ការរីកចម្រើន និងភាពជោគជ័យនៃទីផ្សារមូលធនកម្ពុជា។សមិទ្ធិផលរបស់គាត់រួមមានការបោះពុម្ពរបាយការណ៍ស្រាវជ្រាវសមធម៌នៅលើ Bloomberg Terminal ដែលមានសារៈសំខាន់ក្នុងការផ្តល់នូវការយល់ដឹងដ៏មានតម្លៃនិងជំរុញការសម្រេចចិត្តវិនិយោគប្រកបដោយការយល់ដឹង។​នេះបានបង្ហាញពីសមត្ថភាពវិភាគរបស់គាត់។ សូម្បីតែក្នុងអំឡុងពេលដ៏លំបាកនៃការរាតត្បាតនៃជំងឺកូវីដ-១៩ គាត់បានដើរតួយ៉ាងសំខាន់ក្នុងការបញ្ចប់ IPO របស់ធនាគារអេស៊ីលីដាដោយជោគជ័យ។លើសពីនេះលោកវ៉ាន់សាក់បានលើកដំណោះស្រាយសម្រាប់ពីការព្រួយបារម្ភអំពីហានិភ័យអត្រាប្តូរប្រាក់ដោយការណែនាំអំពីសញ្ញាប័ណ្ណ Fx ដែលត្រូវបានអនុម័តដោយធនាគារជាតិនៃកម្ពុជា (NBC)។ លោកក៏បានចូលរួមផងដែរក្នុងការធានាការបោះផ្សាយមូលបត្របំណុលបៃតងជាលើកដំបូងដែលមិនធ្លាប់មាននិងសហការបង្កើតកម្មវិធីផ្សេងៗ ដើម្បីគាំទ្រដល់កំណើននៃសហគ្រាសធុនតូច និងមធ្យម និងក្រុមហ៊ុនដែលបានចុះបញ្ជីក្នុងទីផ្សារមូលបត្រនៅប្រទេសកម្ពុជា។

ជាមួយនឹងចំណេះដឹង និងសមិទ្ធិផលដ៏ទូលំទូលាយរបស់គាត់ លោក វ៉ាន់សាក់ ដើរតួនាទីយ៉ាងសំខាន់ក្នុងការធានានូវឧត្តមភាពប្រតិបត្តិការរបស់អង្គការរបស់យើង។ ការយកចិត្តទុកដាក់របស់គាត់ចំពោះការរីកចម្រើននៃទីផ្សារមូលធនកម្ពុជា និងការប្តេជ្ញាចិត្តរបស់គាត់ក្នុងការផ្តល់នូវលទ្ធផលដ៏ពិសេសធ្វើឱ្យគាត់ក្លាយជាទ្រព្យសម្បត្តិដែលមិនអាចកាត់ថ្លៃបានសម្រាប់ក្រុមរបស់យើង។