Issuing Social Bonds and Opening Securities Trading Accounts

នៅព្រឹកថ្ងៃទី៧ ខែឧសភា ឆ្នាំ២០២៤ លោក សេង ចាន់ធឿន នាយកប្រតិបត្តិក្រុមហ៊ុនមូលបត្រ រ៉ូយ៉ាល់គ្រុប ម.ក និងសហការី បានចូលរួមក្នុងកម្មវិធីបណ្តុះបណ្តាលស្តីពី "ការបោះផ្សាយមូលបត្របំណុលសង្គម និងការបើកគណនីជួញដូរមូលបត្រ" ដែលរៀបចំដោយគណៈកម្មការមូលបត្រកម្ពុជា សហការជាមួយក្រុមហ៊ុនមូលបត្រ រ៉ូយ៉ាល់គ្រុប ម.ក  និងធនាគារ វីង (ខេមបូឌា) ខូអិលធីឌី ​ក្រោមអធិបតីភាព ឯកឧត្តម ស៊ូ សុជាតិ ប្រតិភូរាជរដ្ឋាភិបាលទទួលបន្ទុកអគ្គនាយកគណៈកម្មការមូលបត្រកម្ពុជា និងលោក ហោ ប៊ុនធី អគ្គនាយករងនៃធនាគារ វីង (ខេមបូឌា) ខូអិលធីឌី។ តាមរយៈវគ្គបណ្តុះបណ្តាលនេះ បុគ្គលិករបស់ធនាគារ វីង (ខេមបូឌា) ខូអិលធីឌី បានចូលរួមសិក្សាអំពីការបោះផ្សាយមូលបត្របំណុលសង្គម និងការបើកគណនីជួញដូរមូលបត្រ តាមរយៈបទបង្ហាញដោយវាគ្មិនអញ្ជើញពីគណៈកម្មការផ្សារមូលបត្រកម្ពុជា។